31-ամյա բելառուս Վլադիմիր Վիտկովը Մոսկվայի Շերեմետեվո օդանավակայանում, ուղեբեռի ստացման գոտում հանկարծակի մոտեցել է Քաբուլից ժամանած աֆղան ընտանիքին, վերցրել մեկուկես տարեկան Մոհամմադ Աֆզալին և գլխով նետել հատակին:

Ըստ ականատեսների՝ տղամարդը ագրեսիայի համար որևէ պատճառ չի ունեցել: Վիտկովը ձերբակալվել է։

Երեխան շտապ հոսպիտալացվել է և այժմ կոմայի մեջ է գտնվում։ Նրա մոտ ախտորոշվել են ողնաշարի և գանգի կոտրվածքներ:

Բժշկական զննության ժամանակ պարզվել է, որ Վիտկովը գտնվել է թմրանյութի ազդեցության տակ՝ նրա արյան մեջ հայտնաբերվել են կանեփի հետքեր: Ավելի ուշ իրավապահները ցույց են տվել ձերբակալվածի տարօրինակ պահվածքը: Նա չի կարողանում ուղիղ կանգնել, հստակ խոսել, ձեռքերով խառնիխուռն շարժումներ է անում: